AINA ZA MBOGA UNAZOWEZA KUOTESHA NYUMBANI KWA KUTUMIA MAKOPO

Umewahi kujiuliza ni jinsi gani unaweza kulima mboga mboga sehemu unayoishi hata kama una eneo la kutosha kulima mbogamboga? Kwa maisha yetu hususani mijini ni vigumu kulima mbogamboga nyumbani hivyo tumekua tukitegemea mboga za kununua ambazo mara nyingine zimekua si salama kwa matumizi ya binadamu kutokana na maeneo zinapolimwa hata maji yanayotumika kumwagilia.
Inawezekana kuwa mkulima wa mbogamboga mwenyewe nyumban kwako kwa kutumia ndoo ambazo hazitumiki tena, mabeseni hata vyungu ambavyo hutumika kupanda maua.
Leo tuangalie baadhi ya mboga ambazo unaweza kuzipanda mwenyewe nyumbani na jinsi ya kuzipanda
BIRINGANYA
Ni mboga inayovutia sana kwa rangi hata muonekano.
Jinsi ya kupanda:

• Chukua makopo yako au vyungu kulingana na idadi unayotaka kupanda
• Panda mbegu ya biringanya moja au mbili kwa kila kopo
• Mwagilia vizuri na weka mbolea kila baada ya wiki mbili
• Unaweza kuvuna baada ya 16 mpaka 24 baada ya kupanda baada ya kuona ngozi ya nje inang’aa na haina mikunjo.

KAROTI
Watu wengi tunaifahamu karoti kama kiungo kwenye mapishi tofauti tofauti na pia kama mboga, karoti ni moja ya mbogamboga unazoweza kulima kwa kutumia makopo (pots):
Jinsi ya kupanda:

• chagua kopo ambalo ni refu kwenda chini
• Tafuta udongo wenye rutuba ambao hauna mawe inafaa zaidi udongo wa kununua kwa sababu udongo wa kuchukua popote huwa hauna rutuba ya kutosha na huwa unavimelea vya kuua mmea.
• kwa kila kopo moja panda karoti moja kwa mbegu au mche wa karoti
• Usitie mbolea kwenye udongo kabla ya kupanda mbegu
• Ukipanda jitahidi kumwagilia mara kwa mara usiache udongo ukauke kabisa mwagilia angalau mara moja kwa wiki maana maji mengi yataozesha mizizi
• Weka mbolea kuanzia wiki ya 5-6 baada ya kupanda.
• Karoti zitakua tayari kuvunwa baada ya miezi miwili na nusu au vile utakavyopendelea ziwe kulingana na matumizi yako.

NYANYA
3. Nyanya
Jinsi ya kupanda:
• Kwa kutumia makopo yako weka udongo kwa kila kopo
• Baada ya kuweka udongo changanya na mbolea vizuri
• Kwa kila kopo moja panda mche moja wa nyanya au mbegu
• Mwagilia vizuri baada ya kupanda miche yako kwa mfululizo siku za kwanza na endelea kumwagilia miche mpaka itakapokua
• Weka mbolea tena wiki mbili kabla ya kuvuna nyanya zako
• Acha nyanya zako mpaka zikomae na unaweza kuvuna utakapoona nyanya imeiva na kuwa nyekundu kabisa haijalishi saizi itakayokua nayo.
HIZI NI BAADHI TU YA MBOGA UNAZOWEZA KUPANDA NYUMBANI KWENYE MAKOPO