JINSI YA KUFUGA KUKU WA KIENYEJI KWA NJIA BORA ZAIDI

Idadi ya wanyama wanaofugwa kwa chakula imezidi ile ya binadamu zaidi ya mara mbili kote ulimwenguni. Kuna maelfu ya wanyama kote duniani ilihali ni wachache tu wanaoweza kufugwa. Kati ya hawa wanyama, ni aina nne (Ng'ombe, kondoo, mbuzi na kuku) wanaochukua asilimia 95% ya wanyama wote wanaofugwa. Wanyama hawa hupatikana katika nchi za hari kwenye nyanda za chini. Lakini kati ya mifugo hawa, kuku ni maarufu katika nchi za hari na hata kote ulimwenguni.

NAMNA YA KUANZISHA BIASHARA

  Ukitaka kufanya biashara yoyote ile unatakiwa kufanya utafiti. Kutokufanya utafiti ni chanzo cha biashara nyingi kuharibika. Lazima ujiulize kwamba unataka kufanya biashara gani? Usiseme unataka kufanya biashara yoyote ile kwani kusema kwamba unataka kufanya biashara yoyote ile ni kupoteza mwelekeo kwa kuwa utakuwa hujui unataka kufanya nini. Kama hujui cha kufanya hakuna kitu utakachokifanya. Hili ni tatizo la watu wengi. Hata baadhi ya watu niliokutana nao wakitaka ushauri wamekuwa wakisumbuliwa na tatizo hili. Njia ya kukusaidia kuamua ufanye biashara gani ni kwa kujiuliza umewahi kufanya kazi au biashara gani? Umesomea nini? Vipaji vyako ni vipi? Ni biashara ipi au kazi ipi unapenda zaidi kuliko nyingine na kwa sababu gani? Ukisha jiuliza maswali haya chukua kalamu na karatasi uandike maswali yako na kuyajibu. Ukikagua maswali na majibu yako utagundua shughuli unayoipenda, unayoiweza na una kipaji nayo na hiyo ndiyo inayokufaa. Ukishachagua biashara unayoipenda ni rahisi sana kufanikiwa kwani shughuli utazifanya kwa hiyari bila kujilazimisha. Kama unashindwa kuamua ni biashara gani ufanye, soma sura ya sita katika kitabu hiki. Nimeelezea kuhusu mawazo yanayoweza kukusaidia kuanzisha biashara mbalimbali ambazo unaweza kuzifanya. Kama utakuwa bado hujafikia uamuzi baada ya hapo basi tafuta na wasiliana na washauri ili mbadilishane mawazo na ufundishwe jinsi ya kuamua ufanye biashara gani.
Mambo mengine unayotakiwa kuyafanyia utafiti ni:-

WANAWAKE WA SHOKA ULIMWENGUNI AKIWEMO MAMA GETRUDE MONGELA. SOMA HISTORIA YAKE FUPI

Kama kuna wanawake wa kitanzania ambao wameweza kuionyesha dunia kwamba Tanzania nayo ina wanawake wa shoka, basi Mama Gertrude Mongella naye yumo tena katika namba ya juu, hakosi katika namba tatu bora za mwanzo...nani anabisha? Mama huyu ambaye ni mwanasiasa, mwalimu, mwanaharakati, mke na mama wa watoto wanne, ndiye yule aliyeuongoza mkutano wa nne wa dunia kuhusu wanawake uliofanyika Beijing China mwaka 1995. Na ni huyu huyu ambaye ni rais wa kwanza wa bunge la afrika lililoundwa mwaka 2004. Ndugu wasomaji wangu naomba mjue kwamba bunge hili si la kina mama peke yake, ni bunge mchanganyiko. Kwahiyo mwanamama huyu kitendo cha kuwabwaga wanaume wote wa Afrika tena katika uchaguzi wa mara ya kwanza si kitu masihara kabisa.

Kabla sijaendelea zaidi kuwapasha juu ya mambo ambayo mama huyu ameshawahi kuyafanya, ningependa niwadokeze kidogo juu ya maisha yake binafsi.

Mama Gertrude Mongella alizaliwa katika kisiwa cha Ukerewe, mkoani Mwanza mwaka 1945 akiwa ni mmoja kati ya watoto wanne katika familia yao. Baba yake Patrice Magologozi alikuwa ni mjenzi, fundi seremala na mwanaharakati akikabiliana na siasa za mkoloni. Mama yake Bibi Nambona alikuwa ni mkulima stadi. Alizaliwa kipindi ambacho ubaguzi kati ya watoto wa kike na wakiume katika jamii yao ulikuwa umeshika hatamu, wanawake walizuiliwa mambo mengi, mfano kuongea mbele ya wanaume, kula vyakula baadhi ya vyakula au sehemu zilizonona za nyama, mfano mapaja ya kuku,firigisi mayai na vinginevyo vingi. Gertrude aliliona hili na rohoni mwake hakukubaliana nalo kabisa, lakini anamshukuru sana baba yake ambaye alikuwa akimtia moyo na kumwambia asifungwe na hizo mila na desturi ale anachotaka, aseme anapoona pana ukweli na shule atakwenda.

Alipokuwa na umri wa miaka 12, alianza shule iliyokuwa ikiendeshwa na watawa wa Maryknoll Nuns, Shule hii ilikuwa na malengo ya kuwaelimisha na kuwanyanyua watoto wa kike. Na hii ndio ilikuwa mara yake ya kwanza kusafiri toka azaliwe.

Baadaye alijiunga na chuo kikuu cha Dar es Salaam ambako alipata Shahada ya elimu. Mwaka 1975 aliingia katika siasa na kuwa mwanachama katika Baraza la kutunga sheria la Afrika Mashariki (EALA).

Tangu wakati huo, amekuwa akishikilia nafasi nyingi za uongozi katika Chama tawala na Serikali ya Tanzania, na nje ya nchi bonyeza hapa usome mwenyewe. Na kwa baadhi ya mahojiano ambayo amekwisha yafanya bonyeza hapa na hapa usome, na hapa umsikilize.

Watanzania hatuna budi kushukuru kuwa na mwanamke jasiri na muwezaji wa mambo kama huyu. Gertrude Mongella ni mtu asiye tishika na ndio sababu hata dunia imeweza kumuona. Na baada ya kumfuatilia sana nimegundua jambo moja, si mtu anayekurupushwa na matokeo ya jambo, ni mtu anayeangalia nini kiini au chanzo cha jambo hilo. Mfano ni pale alipozungumzia ya umaskini na vita vya wenyewe kwa wenyewe katika bara la Afrika. Alisema kwamba" hebu tujiulize waafrika wengi wanaopigana utakuta wanamiliki silaha bora na za gharama mno, lakini mwafrika huyo huyo hana pesa hata ya kuweza kumnunulia mwanae kalamu!! Sasa hapo ujue lipo jambo.. ninani anayempa mwafrika huyu hizo silaha?? ..huyo ndiye wa kusakamwa kwani kama angekuwa na nia nzuri basi angempa kalamu au nyenzo za kufanyia kazi. Hebu usiache kumsikiliza katika kiungo nilichokuwekeeni hapo juu.

Zidumu fikra za Mama Mongella.

TAZAMA VITUKO VYA RIHANNA

Msanii mkali wa pop, huko marekani Rihanna amekuwa akisikika sana kwa vituko vyake, hivi karibuni alionekana akiwa amevaa Nusu uchi huku akikatika, wakati alipoenda kutembelea kwao, nakufanya shuhuli za kimila. Imekuwa ni kawaida kwa kuvaa nusu uchi na kupita mitaani au hata kwenye maenyesho yake

ATIWA MBARONI KWA KUOA WANAFUNZI, MTU NA DADAYE.

                            OFISA USITAWI WA JAMII WA HALIMASHAURI WA WILAYA YA MKASI,OSCAR MDENYE

JESHI la Polisi Wilaya ya Nkasi kupitia dawati la Jinsia na Watoto, linamshikilia Pius Jacob Mkazi wa Kijiji cha Chala kwa kosa la kuoa mtu na dada yake, ambapo mdogo mtu alikuwa ni mwanafunzi wa darasa la tano katika Shule ya Msingi Kabwe wilayani Nkasi.

Jacob alikamatwa na Polisi wa Dawati la Jinsia na watoto Kituo cha Nkasi ikiwa ni wiki moja tangu amchukue kwa nguvu binti huyo wa darasa la tano (umri miaka 12) na kuja kuishi naye kama mke na mume huku akiwa tayari amemuoa binti mwingine wa kwanza mwenye umri wa miaka 16 ambaye pia ni dada wa binti wa pili.

Akizungumzia tukio hilo, Mkuu wa Dawati la Jinsia Nkasi, CPL-Anna Kisimba alisema walimfuatilia Jacob na  

kumkamata baada ya wao kupewa taarifa na mmoja wa majirani wa mtuhumiwa kuwa alikuwa akiishi kinyumba na wanafunzi hao.

“…Tulikuwa katika ziara zetu za kawaida zilizoambatana na siku 16 za kupinga ukatili tukizunguka baadhi ya vijiji vya wilaya yetu, ndipo raia wema walituarifu kuwepo kwa tukio hilo na kuanza kufuatilia hatimaye kumkamata mtuhumiwa,” alisema Kisimba.

Tayari mtuhumiwa huyo amefikishwa mahakamani kwa mara ya kwanza Desenba 10, 2013 kwa kosa la kumuoa mwanafunzi na kubaka katika Mahakama ya Wilaya ya Nkasi, Mkoa wa Rukwa kujibu mashtaka ya tuhuma zake.

Akizungumzia tukio hilo, Ofisa Ustawi wa Jamii wa Halmashauri wa Wilaya ya Nkasi, Oscar Mdenye alisema baada ya kufuatilia zaidi wamebaini hata binti (16) aliyemuoa wa kwanza alikuwa ni mwanafunzi haijulikani alitumia mbinu gani za kumpata na kuanza kuishi naye kama mke na mume.

Aidha ameongeza kuwa kwa mujibu wa tarifa ambazo walizipata kutoka kwa majirani inadaiwa binti wa pili alimpata kwa kutumia nguvu na vitisho, kwani alimfuata nyumbani kwao na kudai anakuja kuwasalimia lakini baada ya kufika kwake alimjulisha binti huyo kuanzia sasa wewe ni mke wangu na kuanza kuishi naye.

“…Hadi Polisi na Ofisi ya Ustawi wa Jamii tunafikiwa na taarifa hizo inadaiwa mtuhumiwa huyu alikuwa tayari ameishi na binti huyu wa pili kwa wiki nzima nyumbani kwake, na majirani walijua baada ya binti wa pili (12) kuanza kulalamika kwao kuwa alikuwa amechukuliwa kwa nguvu na kulazimishwa kuolewa,” alisema Mdenye.

Juhudi za kumpata mtuhumiwa kuzungumzia tuhuma zake hazikuweza kuzaa matunda baada ya kuwa mahabusu akisubiri mwenendo wa kesi yake inayomkabili.

Hata hivyo matukio ya ukatili yanayoripotiwa polisi kupitia Dawati la Jinsia na Watoto Wilaya ya Nkasi yamekuwa yakipungua kutoka mwaka hadi mwaka, kwani kwa mujibu wa takwimu za dawati hilo kwa mwaka 2012 kulikuwa na kesi 224 za ukatili zilizoripotiwa, ilhali kwa mwaka 2013 jumla ya kesi 143 zimeripotiwa wilayani hapo.

*Imeandaliwa na www.thehabari.com kwa ushirikiano na TAMWA

ZITO KABWE ATUA MKOANI KIGOMA KWA KISHINDO, APOKEWA NA MAANDAMANO MAKUBWA. SOMA HOTUBA YAKE

  Sehemu ya Vijana wakiandaman kwa furaha muda mfupi baada ya kumpokea mbunge wa kigoma kaskazini-Chadema Zitto Kabwe muda mfupi baada ya kuwasili kigoma leo

 

 Baaadhi ya Madreva bodaboda mkoani kigoma wakiongoza msafara wa mbunge wa kigoma kaskazini-Chadema Zitto Kabwe muda mfupu baada ya kuwasili

  Sehemu ya Vijana wakiandaman kwa furaha muda mfupi baada ya kumpokea mbunge wa kigoma kaskazini-Chadema Zitto Kabwe muda mfupi baada ya kuwasili kigoma leo

 Mbunge wa kigoma kaskazini-Chadema Zitto Kabwe(wa tatu kulia)akilakiwa na baadhi ya viongozi wa chadema mkoani Kigoma muda mfupu baada ya kuwasili na kupokewa na maandamano makubwa

 Mbunge wa kigoma kaskazini-Chadema  akisalimiana na mamiaaaaa ya wanakigoma muda mfupi baada ya kuwasili na kupokelewa na maandamano makubwa mjini kigoma leo

Mbunge wa kigoma kaskazini -chadema Zitto Kabwe Akihutubia maelefu ya wananchama na wapenzi wa chadema muda mfupi baada ya kuwasili mkoni kigoma leo na kupokelewa kwa maandamano makubwa.

MBEYA:Mamlaka ya udhibiti wa chakula,dawa na vipodozi(TFDA) kanda ya nyanda za juu kusini imezifunga machinjio mbili Mkoani humo.

Hii ni machinjio ya Mbalizi iliyofungwa

Kaimu Meneja wa Kanda nyanda za juu Kusini,Rodney Alananga, alithibitisha kufungiwa kwa machinjio hizo na kwamba sababu za kufunga machinjio ya Uyole Jijini Mbeya ni kutokana na  kutokuwa na miundo mbinu mizuri ya maji hivyo kuhatarisha afya za walaji na wakazi walio kando ya machinjio.

 Kaimu Mkurugenzi wa Halmashauri ya Wilaya ya Mbeya, Magreth Akilimali, alilazimika kutembelea na kujionea hali halisi ya uchafu uliokithiri na kuahidi kuwa watafanya usafi eneo hilo kwa muda wa siku tano kuanzia Desemba 14 kwa kutumia gari la kunyonya maji machafu la Halmashauri ya Jiji la Mbeya.

MAMLAKA ya udhibiti wa chakula,dawa na vipodozi(TFDA) kanda ya nyanda za juu kusini imezifunga machinjio mbili Mkoani Mbeya kutokana na kuwa na kasoro za kiafya.

Machinjio hizo ni Uyole iliyopo Jijini Mbeya na Mbalizi iliyopo katika Wilaya ya Mbeya Mkoani hapa kutoka na kukithiri kwa uchafu.

Kaimu Meneja wa Kanda nyanda za juu Kusini,Rodney Alananga, alithibitisha kufungiwa kwa machinjio hizo na kwamba sababu za kufunga machinjio ya Uyole Jijini Mbeya ni kutokana na  kutokuwa na miundo mbinu mizuri ya maji hivyo kuhatarisha afya za walaji na wakazi walio kando ya machinjio.

Alananga amebainisha kuwa machinjio hiyo haina uzio na kufanya watu wasiohusika kuingia machinjioni kinyume na sheria kwani watu wanaopaswa kuingia ndani ya machinjio ni wahusika tu.

Alisema  kabla ya kufunga machinjio hayo ya Uyole mara kadhaa waliongea na uongozi wa Jiji la Mbeya lakini hawakutekeleza maagizo waliyopewa mara kwa mara na hivyo Mamlaka kuamua kuifunga ili kuokoa afya za wananchi wasikumbwe na magonjwa kama kuhara na kipindupindu.

Alisema sababu nyingine ni kujaa kwa mashimo ya maji machafu kutokana na kutokunyonywa kwa muda mrefu hali inayosababisha harufu mbaya eneo hilo na maeneo yanayozunguka na kuleta uchafuzi wa mazingira Jijini.

Kwa upande wa Machinjio ya Mbalizi, Alananga alisema sababu za kufunga  ni pamoja na wafanyakazi wa Halmashauri kutokuwa na sare za kufanyia kazi kama viatu vyeupe,kofia na makoti meupe kama sheria inavyoagiza.

Alisema kuwa hali ni mbaya zaidi katika machinjio hiyo kutokana na mashimo kujaa kwa muda mrefu hivyo maji machafu na taka kufurika na kutiririsha uchafu mto Mbalizi na kuwafanya wananchi wanaotumia maji ya mto huo kuwa hatarini kukumbwa na magonjwa kutokana na  wengine huyatumia kunywa kutokana na uhaba wa maji ya bomba bonde la Mbalizi.

Kutokana na  hali hiyo, Kaimu Mkurugenzi wa Halmashauri ya Wilaya ya Mbeya, Magreth Akilimali, alilazimika kutembelea na kujionea hali halisi ya uchafu uliokithiri na kuahidi kuwa watafanya usafi eneo hilo kwa muda wa siku tano kuanzia Desemba 14 kwa kutumia gari la kunyonya maji machafu la Halmashauri ya Jiji la Mbeya.

Hata hivyo Akilimali,  alipoulizwa  sababu za kufungwa Machinjio hakuwa tayari kuongea eneo la tukio na kudai kuwa afuatwe ofisini kwake ambapo aliamua kuingia katika gari lake na kuondoka eneo la tukio.

Kwa upande wake Mwenyekiti wa machinjio ya Mbalizi, Simon Petro(Mwadada) alisema amesikitishwa na kitendo cha kufungwa kwani kitendo hicho kimewatia hasara kubwa kwa madai kuwa itawalazimu kutumia zaidi ya shilingi elfu sitini kwenda kuchinja machinjio ya Mjini au Songwe.

Baadhi ya wafanya biashara ya nyama eneo la Mbalizi akiwemo Sikujua Mwambambe ameishukia Halmashauri ya Wilaya ya Mbeya kwa kutofanya usafi licha ya Madaktari wa mifugo kupima nyama kila siku na kukusanya ushuru hali inayoonesha kuna hali ya uzembe na uwajibikaji hafifu kutokana na  taarifa zimepelekwa ofisini lakini hakuna utekelezaji wowote.

Mwenyekiti wa Halmashauri ya Mbeya, Anderson Kabenga, amekiri kufungwa kwa machinjio hiyo na kwamba amemwagiza Mkurugenzi kufanya zoezi la usafi haraka ili kuondoa usumbufu kwa wakazi wa Mbalizi na kitendo hicho kinaipunguzia mapato Halmashauri.

Kabenga alisema wanatafuta machinjio mbadala ili huduma za uchinjaji ziendelee katika kipindi hiki cha ukarabati.

Kwa upande wake Kaimu Meneja wa TFDA kanda ya nyanda za juu Kusini, Alananga alisema  zoezi hilo ni kutekeleza sheria ya chakula,Dawa na vipodozi sheria namba 41,43 na 44 ya mwaka 2003 na kwamba Mamlaka itaendelea kufanya ukaguzi katika maeneo mengine.

Mamlaka hiyo kwa siku za hivi karibuni imeteketeza vyakula,dawa na vipodozi hatari vilivyokwisha muda wake na vilivyoingizwa nchini kinyume cha sheria katika wilaya za Momba,Kyela na Jijini Mbeya.

Na Mbeya yetu